Milli Məclisin növbəti plenar iclasının vaxtı məlum olub

Milli Məclisin yaz sessiyasının növbəti plenar iclasının vaxtı məlum olub.

“Report”un əldə etdiyi məlumata görə, parlamentin növbəti toplantısı mayın 5-də keçiriləcək.

İclasda “Əmək pensiyaları haqqında”, “Sosial müavinətlər haqqında” qanunlarda və Əmək Məcəlləsində dəyişikliklər layihəsinin II oxunuşda müzakirəyə çıxarılması, habelə digər layihələrin müzakirəsi gözlənilir.