Zelenski: “Mən buradayam və silahı yerə qoymayacağıq”

“Gecə guya mənim silahı yerə qoymaq çağırışlarım barədə xeyli məlumat yayılıb. Demək belə: mən buradayam, heç bir silahı da yerə qoymayacağıq”.

“Report” xəbər verir ki, bunu Ukrayna Prezidenti Volodimir Zelenski Kiyevin mərkəzində video çəkərək söyləyib.

“Biz ordumuza və ölkəmizə inannırıq. Biz onu müdafiə edəcəyik! Yaşasın Ukrayna!”, – dövlət başçısı vurğulayıb.

Qeyd edək ki, ötən gecə sosial şəbəkədə, xüsusilə teleqramda Ukrayna Prezidentinin adından kütləvi sayda dezinformasiyalar yayılmışdı.