ABŞ Türkiyə-Ermənistan danışıqları ilə bağlı açıqlama yayıb

ABŞ Dövlət Departamentin Türkiyə və Ermənistan xüsusi nümayəndələri arasında keçirilən ilk görüşü alqışlayıb.

“Report” “Amerikanın səsi”nə istinadən xəbər verir ki, departament Ankara-İrəvan danışıqları barədə açıqlama yayıb.

“Biz mövcud fikir ayrılıqlarının tənzimlənməsi üçün iki ölkənin diplomatiyasının cəlb olunduğu Türkiyə-Ermənistan danışqlarını səmim şəkildə alqışlayırıq”, — ABŞ Dövlət Departamentindən bildirilib.

Qeyd edək ki, yanvarın 14-də Rusiyanın paytaxtı Moskva şəhərində Türkiyənin xüsusi nümayəndəsi Sərdar Kılıc ilə Ermənistan təmsilçisi Ruben Rubenyan arasında ilk görüş keçirilib.